Përplasen në Kuvend Xhavit Haliti e Sami Kurteshi

12:41 | 6 Qershor 2018
Arbresh.info

Deputeti i Vetëvendosjes, Sami Kurteshi, dhe kryesuesi i seancës së sotme, Xhavit Haliti, janë përplasur verbalisht sot në sallën e Kuvendit.

Përplasja filloi kur Kurteshi mori fjalën por filloi të fliste për mungesën e deputetëve në seanca. Haliti vlerësoi që deputeti po fliste jashtë temës së rendit të ditës dhe urdhëroi që t’i ndalet fjala.

Kurteshi dhe Haliti vazhduan diskutimin e ashpër edhe pa mikrofona, ndërsa në një moment, Haliti i drejtohet Kurteshit me fjalët ‘A don me të qit jashtë’?

Rreth mungesës së deputetëve në seancë më herët foli pikërisht Haliti, i cili madje tha që nëse deputetët nuk do të jenë pasdite për votim në Kuvend, ai do të urdhërojë administratën që deputetëve që mungojnë t’u hiqen mëditjet.

 

Shpërndaje në rrjete sociale

Lajmet më të lexuara

Të ngjashme

Foto lajm