Politikanët gjermanë kanë bërë thirrje që i dërguari i Donald Trumit në Berlin të dëbohet nga vendi, pasi ai në një intervistë tha që donte të “fuqizonte” forcat konservatore në Evropë.
Ambasadori Richard Grenell, i cili ka qenë në detyrë për më pak se një muaj, ka shkaktuar irritim në Berlin me një sërë shkeljesh të perceptuara të etiketës diplomatike, transmeton portali arbresh.info.
Të hënën, ish-kontribuesi i Fox Neës vazhdoi përtej ambasadës së tij duke kërkuar një takim të shkurtër me Benjamin Netanyahun në aeroportin e Berlinit pas takimit të kryeministrit izraelit me Angela Merkel.
Më 13 qershor, Grenell do të presë kancelarin austriak, Sebastian Kurz, për drekë në rezidencën e tij në rrethin e Berlinit Dahlem, një veprim tjetër i pazakontë duke qenë se ambasadori i Austrisë, sipërmarrësi i teknologjisë Trevor Traina, u instalua në Vjenë vetëm muajin e kaluar.
Një zëdhënës i ambasadës amerikane në Berlin tha se takimi kishte ardhur si pasojë e një kërkese nga pala austriake.
Në Gjermani, seria e lëvizjeve jo të zakonshme të Grenellit po tërheqin kritika në rritje./Arbresh.info/
Zhduket një e mitur në Suharekë
Mbi 2 mijë e 432 tiketa trafiku të shqiptuara brenda 24 orëv...
Sot shënohet Dita Ndërkombëtare e të Gjuhës së Shenjave
Si është të jesh shqiptar në Serbi?
Osmani ndan fotografi krahë presidentit amerikan: Aleancë që...
Bllokohen 24 prona dhe 11 objekte në Prishtinë, Graçanicë dh...