Kadri Veseli bën këtë veprim pas kritikës që mori sot nga Adem Mikullovci

15:18 | 4 Qershor 2018
Arbresh.info

Kryetari i Kuvendit Kadri Veseli sot është kritikuar në një mënyrë më ndryshe gjatë punës së tij në Kuvend.

Duke u ngutur në lexim për t’i kryer sa më shpejt pikat e rendit të ditës së seancave të papërfunduara, Veseli nuk është kuptuar nga deputeti i VV-së Adem Mikullovci, shkruan arbresh.info.

Ky i fundit ka marrë fjalën duke ‘belbëzuar’ e duke folur aq shpejt për pak sekonda gjë që e habiti shumë kryeparlamentarin Veseli ndërkohë që deputetët e tjerë qeshnin me të madhe.

Mirëpo, Mikullovci e sqaroi menjëherë se çfarë po ndodhte duke thënë se po imitonte Veselin i cili po fliste shumë shpejt dhe prej të cilit nuk po kuponte asgjë.

Veseli ka filluar të qesh dhe e ka falënderuar Mikullovcin duke i thënë se u gëzua sepse kishte filluar të mendonte se ai nuk ishte mirë.

Kryetari i Kuvendit e ka shpërndarë edhe në Facebook videon e këtij momenti duke shkruar se kjo ishte kritika më e lezetshme që ka marrë ndonjëherë./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm