Kuvendi i Kosovës ka nisur sot një seancë të re ndërkohë që kryetari Kadri Veseli ka thënë se disa seanca të fundit kanë mbetur të papërfunduara dhe do të ishte mirë të vazhdohej me to.

Mirëpo, deputetja e VV-së, Albulena Haxhiu ka thënë se është e papranueshme që të ndryshohet seanca e sotme dhe të mos mbahet me ato pika për të cilat janë ftuar deputetët, shkruan arbresh.info.

“Të premten e kaluar seanca ka përfunduar por jo edhe të gjitha pikat pasi nuk kishte kuorum, atë ditë na është thënë që të vendoset në kryesi se kur do të vazhdoj seanca e mbetur, ne këtu kemi ftuar me një rend të ditës që e ka paraparë kryesia dhe për ne si grup parlamentar është e papranueshme që të ndryshohet rendi i ditës. Seanca të mbahet për agjendën për të cilën jemi ftuar. Po tentohet në vazhdimësi që t’i humbet rëndësia Kuvendit të Kosovës. Ne kërkojmë që seanca të vazhdoj me ftesën që jemi ftuar zyrtarisht nga kryesia e Kuvendit, për pika që kanë mbetur të premten vendos Kryesia se kur do të vazhdohet”, ka thënë Haxhiu.

Haxhiu e ka kritikuar Veselin se po e degradon Kuvendin duke thënë se Jakup Krasniqi e udhëhiqte më mirë Kuvendin.

“Ju po e shihni Kuvendin jo si puna primare e jotja. Duhet t’i kushtoni kohë Kuvendit e jo kur t’ju mbetet kohë të merreni me Kuvendin. Po kërkojmë respekt,  jo për grupin tonë parlamentar se prej teje s’presim respekt por duhet ta respektoni Kuvendin e Kosovës./Arbresh.info