Kështu festuan shqiptarët në sallë pas fitores së Krasniqit

01:20 | 3 Qershor 2018
Trina Galanxhi

Sonte, Haxhi Krasniqi na bëri krenarë të gjithë shqiptarëve kudo që jemi. Nuk është pak të shpallesh kampion Evrope, mirëpo aq më e ëmbël është fitorja kur bëhet ndaj një boksieri rus, madje një boksier me karrierë të gjatë e të suksesshme.

Titulli EBU në kategorinë super të mesme këtë mbrëmje i takoi Robinit, e ai këtë e meritoi në çdo aspekt. Këtë e kishte të ditur edhe boksieri rus që gjatë shpalljes së fituesit, largoi dorën e tij nga referi i natës, duke zgjedhur që të duartrokiste boksierin kosovar para kohës, shkruan rtv21.tv.

Pas ngritjes së dorës lartë nga Krasniqi, lartë u ngritën edhe shqiptarët që ishin në sallë, që gjatë kësaj nate ishin të zëshëm në përkrahje të tij, duke filluar festën me tupana, duke kërcyer e valëvitur flamura. Pas Beogradit, flamuri “Autochthonous” u valëvit edhe në Munich, e si nga atje, edhe nga këtu ‘shqiptari doli fitues’./21Media

Shpërndaje në rrjete sociale

Lajmet më të lexuara

Të ngjashme

Foto lajm